Ich bin oeet fitsig.

Ut wor in d’r drejde mond van d’r krig, dat ich geboore woeëd als twieëde zoeën en veerde kink in os gezin. Ich grujde op in de boerderej in de Marktsjtroat, die v’r os deelde mit d’r opa en oma. Op de durch os Hiel gemakde foto an de vuurziee, ziet ier de Kieër en ut begin van de Marktsjtroat mit ut in mieng verhoale oeetveurig besjrieëve witte ouwesj-hoees links op de achtergronk. Tot mie dertieënde joar han ich hej gewônd en gesjpild. Dit book geet uver mieng kleuter- en lieëgere sjolperioode, mieng kotte-boksetied. Ich sjrieef uver de familie, de buuët, de sjol, luuj van Woabich en vuurvalle oeet mieng jeugd. Angesj dan angere, die zoenuuëdig hun geboortesjtrieëk moosse ontvluchte en hun heil meenete te motte zeuke in de ‘groeëte sjtad’, han ich mich noeëts beklemd,opgesjloate of beperkt gevold in mie dörp. Inteëgedeel, ich han genoate van de wermte van de familie en de gezelligheed en de sfeer van mieng nieëchste umgeëving.