't Alies in Wonderland

De rèëje um dit verhoal te goan vertaale, woar dat ing van de pèëtekinger al ’n hieël verzameling hat van dit verhoal en waal in versjillende taale. Ich dach doa mog ’t Gulper Plat, noa ’t Ingelsj en ’t Sjpaans, de driejde wereldtaal, neet ontbreake. Mit dat Gulper Plat bedoel ich dan de taal zoeë wie ich ze van hèëm oet mitgekrèëge hub. Mit ’n mam oet Euverem en ‘ne pap van d’r Keujteberg. Ich sjreef ’t op mit de bedoeling wie ’t volgens mich te lèëze zou zieë, neet um andere te verbèëtere of op- of aanmerkinge te maake op hun sjriefwieze. Respect is doabie ’t passende woat, dat v’r allemoal oet motte draage, och in ’t Plat. Ich hoop ’n biedraage gelieverd te hubbe an ’t behotte van os eige taal, in mieng auwe nog ummer de sjunste taal. Ich wunsj uch veul plezeer bie ’t lèëze en veural ’t veurlèëze van dit verhoal uvver ’t Alies. Mit de groete oet Gullepe, Jan Somers