't Verdwijntapijt

Op zunjigmörge kómme de kleinkinjer Kiki, Mila en Tigo bie opa op bezeuk. De kinjer kriege 'n sjoklaatje. Tigo lieëtj det van hem inne mat valle. Dit is gein gewuuen mat, want alles waat drin veltj is väör altied kwiet. Dit is 't Verdwijntapijt. Tigo wiltj 't sjoklaatje pakke mer ouch hae verdwientj, Mila en Kiki wille 'm griepe mer ouch zie verdwiene in 't Verdwijntapijt. Gelökkig kómme ze oppe Bieëgdjese Oeaverepaad weer boeave water. Dit is 't verhaol van wie de 3 kinjer prebere de waeg trök nao hoes te vinje. Ze waere óngerwaeges gehólpe mer ouch tieënge gewirktj. Versjillendje Bieëgdjese sage en legendes sjpele 'n rol. 'n Kwaoje, grómmendje, brómmendje grieze baer, 'ne erpele sjmietendje motorreus, de kuuj van Boer Linsse, de Duvel, wilj rinjer, 'n doufnetel en 'n douf noot, Boeselfe, 'ne kabouter mèt tandjpien en natuurlijk de Sjieëper dae op zeuk is nao zien sjat. Dae waal ins de Bieëgdjer Sageroute hieët geloupe kintj de waeg vanne kinjer precies volge. De diek van 't retensiebekke, de sjmale paad naeve de weije aaf, 't duuster sjtökske boes mèt de knöppelebrök, 't Brook, de Breul, de holle paad, de depe zandjaafgraving, de boes enne Bieëgdjerhei. Dit is 't Verdwijntapijt.