Gar iḍelli d wass-a

Nekini, ttekkeɣ ɣer tsuta n iseggasen n 60. Aken teẓram, ur neɣri ara taqbaylit deg aɣerbaz n Lzzayer. Lemdeɣ tira s tutlayt n yemma assmi bwḍaɣ d amengaḍ. Ẓriɣ belli tira-w s taqbaylit txuṣ cwiṭ. ilmend bwaya sutreɣ degwen asuref. Ur liɣ d amedyaz, uriɣ kan ɣef ayen i yiceɣben. Seg wass mi sserseɣ ayen ttḥulfuɣ ɣef tfirkit ufiɣ talwit deg ul-iw. Southend ɣef lebḥer, ɣuct 2021. Nasar Agguini ilul deg seggas n 1965 di taddart n Rjawna Tect. D aselmad di temurt n Ungliz anida ittidir akkʷed temuṭṭut-is d snat n issi-is. Wagi d amudd n izlan wis sin yura ɣef tirmit-is di temurt n leqbayel akkʷed d wuzzu n tasa n lɣurba.