ጥዕናዊ ሓዳር

ጥዕናዊ ሓዳር፦ ሕግታት ሓዳር፦ ካብ ፍርሒ ናብ ተስፋ፣ ካብ ቃንዛ ናብ ዘለኣለማዊ ፈውሲ ሓዳር ልክዕ ከም ሓደ ህያው ተኽሊ እዩ። ጽባቐኡን ልምላሜኡን ኣብታ ኣብ ውሽጢ መሬት ተቐቢራ ዘላ "ዘይትርአ ሱር" እዩ ዝምርኮስ። እታ ሱር ጥዕይቲ እንተኾይና፣ እታ ተኽሊ ዝኾነ ማዕበልን ደርቅን ኣየውድቓን። ደራሲ ነርስ ኣታኽልቲ ሰመረ፣ ነቲ ኣብ ሞያ ሕክምና ዘጥረዮ ናይ ክንክን ጥዕናን ፈውሲን ዓሚቕ ልምዲ ምስቲ መዓልታዊ ዘጋጥሙ ናይ ስነ-ልቦናን ማሕበራዊ ናብራን ብድሆታት ብምውህሃድ፣ ነዛ መጽሓፍ እዚ'ኣ ንኣንባብቲ የቐርብ። እቲ ዝዓበየ ትሕዝቶ መጽሓፍ፦ 8 ዓበይቲ ምዕራፋት፦ ካብቲ ኣብ ትሕቲ መሬት ዘሎ ስነ-ልቦናዊ ሱር ጀሚሩ ክሳብ እቲ ንመጻኢ ወለዶ ዝተርፍ ኣሰር ዝትንትን። 80 ወርቃውያን ሕግታት፦ ኣብ መዓልታዊ ናብራ ሓዳር ከጋጥሙ ንዝኽእሉ ጸገማት (ቁጠባ፣ ቴክኖሎጂ፣ ርክብ፣ ስነ-ጾታ) ሓጺርን ንጹርን ፍታሕ ዝህቡ። ቅዋም ንጥዕናዊ ሓዳር፦ ንኽልቲኦም መጻምድቲ ብሓባራዊ ቃል-ኪዳን ዝኣስር ናይ ህይወት ቅዋም። እዛ መጽሓፍ እዚኣ ንሓዳሮም ክሃንጹ ንዝደልዩ ሓደስቲ መጻምድቲ፣ ከምኡ’ውን ንዝተበላሸወ ርክቦም ከሕውዩ ንዝደልዩ ብሉጽ መምርሒ እያ።