Sjriefsels 't twidde beukske

Sjriefsels en gedichte hub ich in ’t Gulper plat in dit beukske neergezat. Ein gedich is ‘n oetzundering umdat ’t uvver ’n bepaald iemand geit wo vur aafsjeid van hubbe motte numme. Dorrum an heur de ier um alling heur gedich in ’t Nederlands drin te plante. Die herinnering heat ze waal verdeend! Veur d’r res, zunt alle gedichte nurges van aafgekeke en woare allemoal gewoon sjpontaan gedachtes die mich sovves heim of uvverdaag bie ’n wandeling in ins te binne sjote. De sjriefsels komme oet de zelfde gedachtes en zunt opgesjreave ezoeë wie ich dach dat ’t gesjreave moss wedde en dodurch kin ’t och gebeure dat ich ’t zelfde woad op twieë versjillende manere gesjreave hub. Of d’r ’t mich koeëlek numt of neet, ich lot ’t ezoeë sjtoa!