Frank bakt een ei

Frank bakt niet allent een ei. Frank giet met de trein, Frank hef zere voeten, Frank kan poepen en Frank wul een aander pappe. Bijkaans wul zien mamme ok wel een aander pappe. Veurleesverhaalties, ok boeiend veur pappe's en mamme's. De foto's, meer as de helfte van het boek, bint hiel geschikt om wieder te fantaseren. Frank kan poepen. Frank poept elke dag en smaangs tweemaol op een dag. Maor vandage niet. Frank hef een dikke buuk. Het vel op de buuk stiet strak. Frank wref hum over de buuk. Hij drukt met de doem in de navvel. Frank denkt dat het helpt om te poepen as hij in de navvel drukt. Mamme zeg: ‘Frank dat is goed. Zachties drukken. Op de navvel en met de bips.’ Frank zit op de wc. Hij hef de schoenen uut. De schoenen staot veur de deur van het huusie. Frank hef sokken an met Donald Duck der op. Donald Duck huuft nooit te poepen. Frank wel. Vandage lukt het niet. Het gattie van de bips liekt verstopt.