Wisseling van de wacht

Wisseling van de wacht begunt nao de Tweede Wereldoorlog. Een neie tied van opbouw en van veraanderings. Het verhaal start as een streekroman met romantiek en nei leven, maor aalgedurig komp de neie tied met ontzuiling, bevrijding van olde belemmerings, vrije sex en vrije opvoeding en studentenleven naor veuren. Olders blieft een ramp. De ofloop is een drama, maor tegelieks een bevrijding. Disse streekroman hef al een bult in zich van Ningtien, de romantische biografie van Gerard Stout. Liefde, Drentse hartstocht, geknooi en oprechte gevuulens op een integere wieze opschreven, met typische Gerard Stout humor. Elk die op het Drentse plattelaand opgruid is herkent de jaoren in het veen en op het zaand. “Herman reuk de locht van voele luiers, van vrouwlu, van kleine kinder, van de bolle in het hok, van slaop en zwieterige laokens. Anna had de ondersteek van neud. Greetje schreide om de börst. Dora sleup diepe en dreumde van de verleuren verkering. Herman hannesde onhaandig. Hij was een echte man. Hij was een echte vaoder. Het hemd was uut de verpakking, der was gien pad weerom. Gao en vermenigvuldig joe, soesde hum deur de kop.”